काठमाडौं, १६ असोज । राष्ट्रिय प्रजातन्त्र पार्टी (राप्रपा)का सांसद धवलशमशेर राणाले नेपालगञ्जमा सद्भाव कायम गर्न अपिल गर्नुभएको छ ।
मंगलबार प्रतिनिधि सभाको बैठकमा आकस्मिक समय लिएर बोल्दै राणाले सद्भावको शहरमा अशान्ति नफैलाउन नेपालगञ्जबासीहरुलाई अनुरोध गर्नुभयो ।
उहाँले सरकारलाई हिंसाका घटनालाई नियन्त्रणमा लिन समेत आग्रह गर्नुभयो । असोज १४ गते मुसलिम समुदायलाई लक्षित गरेर सामाजिक सञ्जालमा कसैले स्टाटस लेखेपछि नेपालगञ्जमा तनाव सिर्जना भएको हो ।
