काठमाडौं । चीन सरकारले भोटेकोशी नदीमा आएको आकस्मिक बाढीबाट प्रभावित नागरिकको उद्धार तथा राहतका लागि नेपाललाई २० लाख अमेरिकी डलर नगद अनुदान उपलब्ध गराउने भएको छ ।
शुक्रबार बसेको मन्त्रिपरिषद् बैठकले चीन सरकारबाट प्राप्त हुने उक्त अनुदान सहायता स्वीकार गर्ने निर्णय गरेको हो ।
सञ्चारमन्त्री विक्रम तिमल्सिनाले मन्त्रिपरिषद्का निर्णय सार्वजनिक गर्दै भोटेकोशी बाढीबाट प्रभावित नागरिकको जीवन रक्षा तथा तत्कालीन आपत्कालीन उद्धार र राहत कार्य सञ्चालनका लागि चीनबाट प्राप्त हुने अनुदान स्वीकार गरिएको जानकारी दिएका छन् ।
उक्त आर्थिक सहयोग बाढी प्रभावित क्षेत्रमा उद्धार, राहत तथा आपत्कालीन व्यवस्थापनका कार्यमा उपयोग गरिने जनाइएको छ ।










