एनपीएलमा आज दुई खेल हुँदै

काठमाण्डौं, १३ मंसिर । – नेपाल प्रिमियर लिग (एनपीएल)मा आज दुई वटा खेल हुँदैछन् । त्रिवि क्रिकेट मैदानमा बिहान सवा ११ बजे हुने हिलो खेलमा पोखरा एभेन्जर्स र लुम्बिनी लायन्स खेल्दैछन् ।

तीन खेलमा एउटा खेल जितेको पोखरा २ अङ्कसहित तालिकाको छैटौं स्थानमा छ । चार खेलमा एउटा खेलमा मात्रै खेल जितेको लुम्बिनी २ अङ्कसहित सातौं स्थानमा छ ।

यस्तै दोस्रो खेल दिउँसो साढे ३ बजे सुदूरपश्चिम रोयल्स र जनकपुर बोल्ट्सबीच खेल हुनेछ । सुदूरपश्चिम यो प्रतियोगितामा अहिलेसम्म अपराजित रहेको छ । चार वटा खेल खेलेको सुदूरपश्चिम ८ अङ्कसहित तालिकाको शीर्ष स्थानमा छ । तीन खेलमा एउटा पनि खेल जित्न नसकेको साविक विजेता जनकपुर तालिकाको पुछारमा छ ।