काठमाण्डौं, २३ कात्तिक । राष्ट्र, राष्ट्रियता, धर्म–संस्कृति र नागरिक बचाउ अभियानका संयोजक दुर्गा प्रसाईंले सुकुम्बासीका लागि स्थायी बसोबासको व्यवस्था मिलाउन आग्रह गर्नुभएको छ ।
आइतबार काठमाडौँको मनोहरा सुकुम्बासी बस्तीमा पुगेर प्रसाईंले सुकुम्बासीलाई उठाउने नाममा पटक पटक दुख दिनुभन्दा स्थायी बसोबासको व्यवस्था मिलाउन आग्रह गर्नुभएको हो ।
उहाले काठमाडौं महानगरले बस्ती खाली गर्न आए प्रतिकार गर्न सुझाव दिनुभयो । आफुहरु सुकुम्बासीको साथमा रहेको भन्दै उहाले सुकुम्वासीहरु एक भए कसैले हटाउन नसक्ने बताउनुभयो ।
उहाले सुकुम्बासी बस्ती उठाउनु भन्दा बालमन्दीर र पशुपतिमा रहेका अनाधिकृत संरचना हटाउन सुझाव दिनुभयो ।
आफुले गरिवको ऋण मिनाहा गर्न सुझाव दिदै राज्य नै आफुबिरुद्ध लागेको उहाले बताउनुभयो । प्रसाईंले सुकुम्बासीलाई दलहरुले भोट रूपमा मात्र प्रयोग गरेको भन्दै सजक हुन आग्रह गर्नुभयो ।
