नेपाल विद्यार्थी सङ्घ सभापति दुजाङ्ग शेर्पाले शैक्षिक क्षेत्रमा राजनीति हुन नहुने बताउनु भएकाे छ ।
उहाँले शिक्षामा विश्वविद्यालयदेखि न्यायालयसम्म भागबन्डा र राजनीति हुन थाले पछि शिक्षा क्षेत्र विकास हुन नसेको बताउनु भएकाे हो । सभापति शेर्पाले रेडियो काठमान्डुको कार्यक्रम राईट कर्नरमा बोल्दै विश्वविद्यालयमा कुनै पनि हालतमा भागबन्डाको आधारमा नभएर खुल्ला प्रतिस्पर्धा बाट उपकुलपति चयन गर्नु पर्ने बताउनुभयो ।
उहाँले नेवि सङ्घले जहिले पनि विद्यार्थीका सवालमा काम गर्ने गरेको बताउनुभयो । नेपाली काँग्रेस सत्तामा वा प्रतिपक्षमा भए पनि नेवि सङ्घ जहिले प्रतिपक्षको भूमिका रहने गरेको बताउनुभयो ।
साथै विद्यालय तथा विश्वविद्यालयले समयको माग अनुसार अध्ययन गरेर विभिन्न ज्ञान, सीप प्रदान गर्न सक्ने शिक्षामा राज्यले लगानी गर्नु पर्ने बताउनुभयो ।
समाजले, बजारले र देशले के मागेको अनुसारको विषयलाई लागु गर्न सकेमा बिदेसिने सङ्ख्यामा कमी आउने बताउनु भएको हो ।
