काठमाडौं। प्रचण्ड नेतृत्वको विपक्षी मोर्चाबाट बाहिरिएको राष्ट्रिय प्रजातन्त्र पार्टी ९राप्रपा० लाई प्रधानमन्त्री केपी ओलीले आइतबार बोलाएको सर्वदलीय बैठकमा आमन्त्रण नगरेको छ।
चैत १३ गते सिंहदरबारमा भएको विपक्षी दलहरूको बैठकमा राप्रपा सहभागी भएन भने, आइतबार साँझ ७ बजे प्रधानमन्त्री ओलीले राजनीतिक स्थिति सम्बन्धी छलफल गर्न सिंहदरबारमा सर्वदलीय बैठक बोलाए। यस बैठकमा राप्रपा र रास्वपा ९राष्ट्रिय समाजवादी पार्टी०लाई नबोलाइएको नेकपा एमालेका मुख्य सचेतक महेश बर्तौलाले जानकारी दिएका छन्।
महेश बर्तौलाले भने, “प्रधानमन्त्रीज्यूले बोलाएको सर्वदलीय बैठकमा राप्रपा र रास्वपालाई समावेश नगरी अन्य दललाई आमन्त्रण गरिएको छ।”
राप्रपा, माओवादी केन्द्र र कांग्रेस बीचको गठबन्धन पछि २०७९ फागुन १२ गते सरकारबाट बाहिरिएको थियो, र यतिबेला पार्टी सरकारको विरोध गर्दै विपक्षी दलहरूसँगै संसद् र सडक संघर्षमा सक्रिय रहेको छ।
यसैबीच, शुक्रवार तीनकुनेमा राजावादीहरूले हिंसात्मक गतिविधि गरेपछि सत्तापक्ष र विपक्षी दलहरू आक्रोशित भएका छन्। उक्त घटनामा दुई जनाको ज्यान गएको र सार्वजनिक तथा निजी सम्पत्तिमा ठूलो क्षति पुगेको थियो। राप्रपाका उपाध्यक्ष रवीन्द्र मिश्र र महामन्त्री धवलशम्शेर राणालाई राज्यविरुद्धको अपराधमा पक्राउ गरी मुद्दा चलाउने तयारी गरिएको छ।
