काठमाडौं, ५ माघ । स्वास्थ्य बिमा बोर्डले सेवाप्रदायक संस्थाका स्वास्थ्य बिमा अन्तर्गतको ओपिडी र इमर्जेन्सी शुल्क घटाएको छ।
बिमा बोर्डको पुस २९ गते बसेको बोर्ड बैठकले माघ ८ गतेदेखि लागू हुने गरी बिमामा आबद्ध बिमितलाई स्वास्थ्य बिमा अन्तर्गतको ओपिडीमा ५० र इमर्जेन्सीमा एकसय रुपैयाँ शुल्क निर्धारण गरेको हो।
यसअघि बोर्डले ओपिडीमा दुई सय र इमर्जेन्सीमा चार सय रुपैयाँ शुल्क तोकेको थियो।
बोर्डका शाखा अधिकृत यशोदा अर्यालका अनुसार बोर्डले ओपिडी र इमर्जेन्सी शुल्क तोकी बिमा व्यवस्थापन सूचना प्रणालीमा मिलाइएको हो। निर्धारण गरिएको यसै अनुसारको शुल्क लागू गर्न बोर्डले सम्पूर्ण सेवा प्रदायक स्वास्थ्य संस्थाहरूलाई अनुरोधसमेत गरेको छ।
