सत्ता गठबन्धनमा सहभागी नभएको जनता समाजवादी पार्टी (जसपा) र राप्रपासँग चुनावी तालमेल गर्ने बारेमा आज निर्णय हुने एमालेका नेताहरूले दावी गरेका छन् ।
तालमेलका लागि जसपा नेपालका नेतासँग छलफल निरन्तर भइरहेको एमालेले राप्रपासँग तीन सिटमा सहमति गरेको छ ।
दुवै दलसँगको चुनावी तालमेलका बारेमा औपचारिक निर्णयमा पुगिने एमाले नेता भीम आचार्यले बताउनुभयो ।
निर्वाचनका लागि राष्ट्रिय प्रजातन्त्र पार्टी (राप्रपा) ले देशभरबाट उम्मेदवारको नाम टुङ्गो लगाएको प्रवक्ता मोहन श्रेष्ठले बताउनुभयो ।
