असोज २१, काठमाण्डौ । उम्मेदवार छनोटका बारेमा छलफल गर्न नेपाली काँग्रेसको केन्द्रीय कार्यसम्पादन समितिको बैठक आज बस्दैछ ।
हिजो बस्ने भनिएको बैठक नेताहरूको व्यस्तताका कारण आज मध्यान्ह् १२ बजे बस्न लागेको नेता जीवन परियारले जानकारी दिनुभयो ।
आजको बैठकले चुनावका लागि उम्मेदवारको टुङ्गो लगाउने जिम्मा संसदीय बोर्डलाई दिने बारेमा निर्णय गर्ने उहाँको भनाइ छ ।
तीन दिनअघि बसेको केन्द्रीय कार्यसम्पादन समितिको बैठकले उम्मेदवारको मापदण्डको बारेमा निर्णय गरेको थियो ।
