सुदूरपश्चिम राजधानी कप राष्ट्रिय फुटबल प्रतियोगिताको उपाधि लुम्बिनी प्रदेशले जितेको छ ।
कैलालीको धनगढी रङ्गशालामा हिजो भएको फाईनल खेलमा कर्णाली प्रदेशलाई सडनडेथमा १०–९ ले हराउँदै लुम्बिनीले उपाधि जितेको हो ।
यसअघि निर्धारित समयमा दुबै टोलीले १–१ को बराबरी खेलेका थिए । उपाधिसँगै लुम्बिनी प्रदेशले नगद ५ लाखसहित ट्रफी मेडल प्राप्त गरेको छ । उपविजेता कर्णाली प्रदेशले नगद ३ लाख सहित ट्रफी मेडल प्राप्त गरेको छ ।
