छैटौं संस्करणको महिला साफ च्याम्पियनसिपको प्राविधिक कमिटिले अखिल नेपाल फुटबल सङ्घ (एन्फा) लाई प्रतिवेदन बुझाएको छ ।
प्राविधिक कमिटिले एन्फा अध्यक्ष पंकज विक्रम नेम्वाङलाई प्रतिवेदन बुझाएको हो । कमिटीले बुझाएको प्रतिवेदनमा च्याम्पियनसिपमा नेपालको प्रदर्शनको विश्लेषण गरिएको छ ।
त्रिपुरेश्वरस्थित दशरथ रङ्गशालामा आयोजना भएको महिला साफ भदौ २१ देखि असोज ३ गतेसम्म आयोजना भएको थियो । प्रतियोगितामा नेपाल उपविजेता बनेको थियो ।
फाइनलमा नेपाललाई ३–१ ले हराएर बङ्गलादेश च्याम्पियन बनेको थियो । प्रतियोगितामा आयोजक नेपालसहित भारत, श्रीलङ्का, भुटान, बङ्गलादेश, पाकिस्तान र माल्दिभ्सको सहभागिता रहेको थियो ।
