जनकपुर, ६ चैत । लागुऔषधसहित दुई जनालाई पक्राउ परेका छन ।
मिथिला नगरपालिका–६ ढल्केवर चौकमा प्रहरीले चेकजाँच गर्ने क्रममा दुई जना पक्राउ परेका हुन । यसरी पक्राउ पर्नेमा जमुनिवासका ३५ वर्षीय मनोजकुमार महतो र २२ वर्षीय सुजितकुमार महतो रहेका छन् ।
जिल्ला प्रहरी कार्यालय धनुषाका अनुसार नियमित चेकजाँच गर्ने क्रममा ढल्केवरवाट बर्दिबास जाँदै गरेको अवस्थामा उनीहरु पक्राउ परेका हुन । प्र २–०२–००३ प ७८७७ नंको मोटरसाइकलमा जुटको बोरामा राखि ल्याएको प्रतिबन्धित लागुऔषध एक्सिप्लोन १०० एमएलको ९८ बोतल र नाईट्रोजम्पा ७३० पिस बरामद भएको छ ।
पक्राउ परेकालाई हिरासतमा राखी थप अनुसन्धान सुरु गरिएको छ ।
