काठमाडौँ– नेपाली राष्ट्रिय क्रिकेट टोलीका कप्तान सन्दीप लामिछानेले ‘द सिक्स्टी’ प्रतियोगिता खेल्ने भएका छन् ।वेस्ट इन्डिज क्रिकेटले आयोजना गर्ने नयाँ प्रतियोगिताका लागि जमैका तलाबाजले सन्दीपलाई टिममा राखेको हो ।
प्रतियोगिता ६० बलको हुनेछ । ३० बलको एक इनिङ रहने यस प्रतियोगिता ६ विकेटको हुनेछ । प्रतियोगिता अगस्ट २४ देखि २८ सम्म संचालन हुनेछ । प्रतियोगितामा पुरुषतर्फ ६ र महिलामा ३ टोलीको सहभागिता रहने छ ।
जमैकाले सन्दीपलाई क्यारेबियन प्रिमियर लिग (सीपीएल) टी–ट्वान्टी लिगका लागि अनुबन्ध गरेको थियो । तर, सीपीएल आयोजना हुनु अघि आयोजना हुने द सिक्स्टीका लागि सन्दीपलाई जमैकाले टिममा राखेको हो ।
जमैकाले सीपीएलका लागि अनुबन्ध गरेको सन्दीपसहित पाँच विदेशी खेलाडीले पनि प्रतियोगितामा प्रवेश पाउने भएका छन् ।
