नवौं राष्ट्रिय खेलकुद अन्तर्गतको पुरुष क्रिकेट प्रतियोगिताको चौंथो दिन आज चार वटा खेलहरू हुँदैछन् । कीर्तिपुरस्थित टियु मैदानमा दुई खेल हुनेछन् भने मुलपानी मैदानमा पनि दुई खेल हुनेछन् ।
त्रिवि क्रिकेट मैदानमा हुने पहिलो खेलमा प्रदेश १ र सुदुरपश्चिम प्रदेशबीच प्रतिस्पर्धा हुनेछ । यी दुई टोलीबीचको खेल बिहान ९ ः १५ मा सुरु भएकाे छ ।
त्रिविमा हुने दोस्रो खेलमा नेपाल पुलिस क्लब र कर्णाली प्रदेशबीच खेल हुनेछ । यस खेल दिउँसो १ ः १५ मा सुरु हुनेछ ।
यस्तै मुलपानी मैदानमा हुने पहिलो खेलमा बागमती प्रदेश र एनआरएनए एकेडेमीबीच प्रतिस्पर्धा हुनेछ ।
बागमती र एनआरएनएबीचको खेल बिहान ९ ः १५ मा सुरु भएकाे छ ।
मुलपानी मैदानमा हुने दोस्रो खेलमा लुम्बिनी प्रदेश र गण्डकी प्रदेशबीच खेल हुनेछ । यस खेल दिउँसो १ ः १५ बजे सुरु हुनेछ ।
गण्डकी प्रदेशमा आयोजना हुने नवौं राष्ट्रिय खेलकुद असोज २८ देखि कात्तिक ३ सम्म आयोजना हुनेछ । तर, पुरुष क्रिकेट भने अगाडी नै आयोजना भईरहेको हो ।
प्रतियोगितामा तीन विभागिय, सात प्रदेश तथा एनआरएनको टोली गरी ११ टोलीको सहभागीता रहेको छ । सहभागी ११ टोलीलाई दुई समूहमा विभाजन गरिएको छ ।
