सत्ता गठबन्धनले सिट बाँडफाँटको टुङ्गो लगाउन गठन गरेको कार्यदलको बैठक आज पनि बस्दैछ ।
कार्यदलका सचिव अधिवक्ता केशवराज जोशीले बैठक साँझ ६ बजे बस्ने तयारी भएको बताउनुभयो । हिजो दिनभर बसेको बैठकमा कुनै सहमति नभएपछि आज फेरि बैठक बस्न लागेको उहाँले बताउनुभयो ।
आजको बैठकमा सिट बाँडफाँट टुङ्गो लगाउने र प्रतिवेदन शीर्ष नेताहरूलाई बुझाउने तयारी छ ।
सञ्चार तथा सूचना प्रविधिमन्त्री एवं सरकारका प्रवक्ता ज्ञानेन्द्रबहादुर कार्कीका अनुसार हिजोको बैठकमा १ सय ६५ वटै निर्वाचन क्षेत्रमा दलहरूको अवस्थाबारे छलफल भएको थियो ।
सङ्घ र प्रदेशको खाकासहित सिट सङ्ख्यामा सहमति जुटाएर आजै प्रतिवेदन तयार पारिने उहाँले बताउनुभयो ।
८३ वटा सिट नेपाली काँग्रेस र बाँकी सिटमा अन्य दललाई दिने गरी सहमतिको प्रयास भइरहेको नेताहरूले बताएका छन् ।
