आजको मौसमः गण्डकी र कर्णाली प्रदेशका पहाडी भूभागमा आंशिक बदली

काठमाडौँ, १ पौष । हाल नेपालमा पश्चिम वायुको आंशिक प्रभाव छ । जसको प्रभावले हाल गण्डकी प्रदेश र कर्णाली प्रदेशका पहाडी भूभागमा आंशिक बदली रही बाँकी भूभागमा मुख्यतया मौसम सफा रहेको मौसम पूर्वानुमान महाशाखाले जनाएको छ।

यस्तै, आज दिउँसो कोशी प्रदेशको हिमाली भूभागमा आंशिक बदली रही बाँकी भूभागमा मौसम मुख्यतया सफा रहने छ । राति देशभर मौसम मुख्यतया सफा रहने महाशाखाले जनाएको छ ।