विश्व ‘अटिजम’ जागरुकता दिवस मनाइँदै

काठमाडौ, चैत्र २० । विश्व ‘अटिजम’ जागरुकता दिवस आज विश्वभर रोगप्रति सचेतना फैलाउने विविधि कार्यक्रमका साथ मनाइँदै छ। संयुक्त राष्ट्रसंघको आह्वानमा सन् २००७ देखि यो दिवस मनाउन थालिएको हो। 

अटिजम भएका व्यक्तिको मानव अधिकार, मौलिक स्वतन्त्रताको उपभोग सुनिश्चित गर्न समाजका सबै वर्गले सघाउनुपर्ने मान्यताका साथ दिवस मनाउन थालिएको हो।

दिगो विकासका लक्ष्य हासिल गर्न तथा स्वास्थ्यसम्बन्धी प्रतिबद्धता पूरा गर्न यो दिवस उपयोगी हुने राष्ट्रसंघका महासचिव एन्टिनियो गुटेरेसले बताएका छन्।

उनले दिवस अवसरमा जारी गरेको मन्तव्यमा अटिजम भएकालाई स्वास्थ्य, शिक्षा, रोजगारीका अवसर दिनुपर्नेमा जोड दिएका छन्।