काठमाडौँ, १९ भाद्र । नेकपा एमालेका महासचिव शंकर पोखरेलले दर्ता हुन नआएका सामाजिक सञ्जालहरू बन्द हुने संकेत दिएका छन् । महासचिव पोखरेलले आज फेसबुकमा लेख्दै दर्ता हुन नआएका सामाजिक सञ्जालहरू बन्द हुने संकेत दिएका हुन् ।
पोखरेरले फेसबुकमा लेखेका छन्– ‘सामाजिक संजाल बन्द भइ नखुल्दासम्म त्यसले खलबल्याइदिएका असल सामाजिक परम्पराहरू पुनर्स्थापित गर्ने कोसिस गरौँ । सुखद अनुभूति हुनेछ । ’
सरकारले सूचीकरण लागि दिएको समउसीमा गएराति सकिएको छ । फेसबुक लगायतका सामाजिक सञ्जाल बन्द गर्ने सरकारको तयारी छ ।
सरकारले सूचीकरण प्रक्रियामा आउन आह्वान गर्दा पनि अटेर गरेका सामाजिक सञ्जालहरुलाई आजदेखि क्रमशः निष्कृय पार्ने जनाएको छ । सञ्चार तथा सूचना प्रविधि मन्त्रालयका सूचना अधिकारी रवीन्द्रप्रसाद पौडेलले सूचीकरणको प्रक्रियामा नआएका सामाजिक सन्जालहरु अब क्रमशः निष्कृय बनाउनेबारे आज निर्णय हुने बताएका छन् ।
