काठमाडौं, २८ बैशाख । नेपाली संगीत क्षेत्रका बहुप्रतिभाशाली सर्जकको चर्चा हुँदा सर्वप्रथम आउने नाम हो — एकनारायण भण्डारी। दोहोरी मात्र होइन, आधुनिक र चलचित्र संगीतमा समेत उत्तिकै दख्खल जमाएका भण्डारीलाई संगीत रुचाउनेहरुका लागि कुनै नौलो नाम होइन। उनका सयौँ गीतहरूले बजार तताएका छन् — चाहे त्यो लोकधुन होस् वा आधुनिक भाव, सबैमा उनको सशक्त उपस्थिति छ।
जनमानसको जिव्रोमा बस्ने गीत लेख्न सक्ने सर्जकको रुपमा चिनिएका भण्डारीका गीतहरू जीवन संघर्ष, प्रेम र सामाजिक यथार्थका भावपूर्ण क्षणहरूलाई समेट्नेछ । ‘तिर्खा लाग्यो पानी खाएँ’ ‘तिम्रो फोटो हजारको नोटमा होस्’सुपारी चाम्रो ,बाजेको पालामा , लालुपाते नुग्यो भुइतिर , जिम्मल बाको आगनिमा ,फुलमा मौरी डुल्ल्ने बेलामा,डाफे नाचेर , हातमा रातो झोला जस्ता चर्चित गीतमा उनको शब्द सगित छ,जुन नेपाली समाजमा अत्यन्त रुचाइएका छन्।
संगीतको औपचारिक अध्ययनलाई पनि उनले निकै महत्व दिएका छन्। अहिलेसम्मको सिर्जना केही जानेर, केही नजानेर भएको होला,भन्छन् उनी, तर औपचारिक शिक्षा लिएपछि अझ परिपक्व सिर्जना गर्न सकिन्छ भन्ने मेरो विश्वास हो।उनी नयाँ पुस्तासँगको संगतबाट ट्रेन्ड बुझ्न र सिक्ने अपेक्षासमेत राख्छन्।
हालै, शान्ति श्री परियार र सुरेश सुन्दासको स्वर, श्यामस्वेत रसाईलीको संगीत संयोजन र मौसम हिमालीको निर्देशनमा तयार भएको नयाँ गीत निगाली मा पनि एकनारायणको शब्द र संगीत समेटिएको छ।
उक्त गीतमा सुरेश कोहली र जुना विश्वकर्माको अभिनय देख्न पाइन्छ।
गीतलाई अर्जुन बोहराको अफिसियल युट्युब च्यानलमार्फत सार्वजनिक गरिएको हो। मौलिक लोकधुन र आकर्षक दृश्य सम्पादनले सजिएको ‘निगाली’ले छोटो समयमा दर्शकको मन जित्ने विश्वास गरिएको छ।
गीतले नेपाली समाज, प्रेम र भावनालाई कलात्मक शैलीमा प्रस्तुत गरेको छ। गायक–गायिका तथा सम्पूर्ण टिमलाई श्रोता–दर्शकले सकारात्मक प्रतिक्रिया दिइरहेका छन्।
