२७ मंसिर, काठमाडौं ।गढीमाई पञ्चवर्षीय मेला २०८१ को सुरक्षाका लागि पाँच सय सशस्त्र प्रहरी खटिएका छन् । बारा जिल्लाको महागढीमाई नगरपालिका–१ स्थित गढीमाई मन्दिरमा लागेको पञ्चवर्षीय मेला २०८१ सुरक्षार्थ पाँच सय सशस्त्र प्रहरी २४सै घण्टा परिचालित भएको हो ।
मंसिर १ गतेदेखि सुरु भएको मेला यही ३० गतेसम्म संचालन हुनेछ । उक्त मेलालाई सुरक्षित एवं भयरहीत वातावरणमा सम्पन्न गराउनका सशस्त्र प्रहरी उपरीक्षक सन्तोषबहादुर सिंहको कमाण्डमा टोली परिचालन भएको सशस्त्र प्रहरी नायब महानिरीक्षक कुमार न्यौपानेले जानकारी दिए ।
