काठमाडौं, ३ पुस ।नेपाली बजारमा मंगलबार सुनको मूल्य बढेको छ। नेपाल सुनचाँदी व्यवसायी महासंघका अनुसार सुनको मूल्य बढे पनि चाँदीको भने घटेको छ।
सुनको मूल्य प्रतितोला २ सय रुपैयाँ बढेको छ भने चाँदी प्रतितोलामा ५ रुपैयाँले घटेको हो।
मूल्य बढेसँगै मंगलबार नेपाली बजारमा छापावाल सुनको कारोबार १ लाख १८ हजार रुपैयाँमा भइरहेको छ। त्यस्तै, तेजावी सुनको मूल्य १ लाख १७ हजार ४५० रुपैयाँ निर्धारण भएको महासंघले जनाएको छ।
सोमबार नेपाली बजारमा छापावाल सुन १ लाख १७ हजार ८ सय र तेजावी सुन १ लाख १७ हजार २५० रुपैयाँमा कारोबार भएको थियो।
