असोज २२, काठमाडौं । आज पनि बडादशैंको टीका लगाउने क्रम आज पनि जारी छ ।
नवरात्रभर नवदुर्गा भवानीको पूजा अर्चना गरी विजयादशमीका दिन मान्यजनको हातबाट प्रसाद लगाउने चलन छ । घरमा मान्यजनको हातबाट टीका लगाएसँगै सर्वसाधारण आफन्तकहाँ जाने गर्छन् ।
यो क्रम भोलि आइतबार पूर्णिमासम्म रहन्छ ।
आश्विन शुक्ल पूर्णिमा अर्थात् कोजाग्रत पूर्णिमाका दिन जमरा विसर्जन गर्ने चलन छ ।
साथै दशैंको लागि काठमाडौं छोड्नेहरू फर्कन थालेपछि काठमाडौं उपत्यकाका सडकहरुमा चहलपहल सुरु भएको छ । दशैंको मुख्य दिनहरुमा यहाँका सडकहरू सुनसान भएका थिए ।
