बारा, १२ वैशाख । बारा–२ मा जनता समाजवादी पार्टी (जसपा) का अध्यक्ष उपेन्द्र यादवको अग्रता कायमै रहेको छ ।
प्राप्त पछिल्लो मत परिणामअनुसार जसपाका यादवले १३ हजार ८ सय ४ मत प्राप्त गर्नुभएको छ भने जनमत पार्टीका शिवचन्द्र कुशवाहले ९ हजार २ सय ३१ तथा नेकपा (एमाले) का पुरुषोत्तम पौडेलले ४ हजार ५ सय ७० मत प्राप्त गर्नुभएको छ ।
अर्का उम्मेदवार राष्ट्रिय स्वतन्त्र पार्टी (रास्वपा) का रमेश खरेलले २ हजार ३१ मत प्राप्त गर्नुभएको छ ।
अहिले मतगणना जारी छ । आइतबार भएको निर्वाचनमा बारा–२ मा ६८ हजार ८ सय ८७ मत खसेको थियो ।
