काठमाडौं, ५ वैशाख । नेकपा एमालेका सांसद भिमप्रसाद आचार्यले समयमा नै पूर्णता पाउन नसक्ने सरकारबाट जनताले केहि आशा गर्न नसक्ने बताउनुभएको छ । प्रतिनिधिसभाको मंगलबारको बैठकमा बोल्दै आचार्यले सरकारलाई पूर्णता दिन कति वर्ष लाग्छ भन्दै समयमा नै पूर्णता पाउन नसक्ने सरकारबाट जनताले केहि आशा गर्न नसक्ने बताउनुभएको हो ।
उहाले संसद भनेको सरकार बनाउनका लागि प्रधानमन्त्रीलाई भोट हाल्ने ठाउँ मात्रै नभएको भन्दै सरकारले आफ्ना कार्ययोजनाहरु प्रष्ट रुपमा राख्नुपर्ने बताउनुभयो । उहाले सरकारले आफ्नो जवाफदेहीता संसदप्रति देखाउनुपर्ने भएकाले आफुखुसी हिड्ने छुट कसैलाई नरहेको जिकिर गर्नुभयो ।
उहाले मुलुकको व्यवस्थालाई उल्टाउने प्रयास भएको प्रधानमन्त्रीको अभिव्यक्तिप्रति आपत्ती जनाउदै सरकारमा बसेका व्यक्तिहरुले जनताको आशा पुरा गर्न नसके मात्रै उपलव्धी गुम्ने खतरा हुने धारणा राख्नुभयो ।
उहाले संघ सरकारको कामका कारण प्रदेश सरकार अपांग जस्तो भएको बताउनुभयो ।
