रौतहटमा भएको बुम काण्डमा घाइते भएका जीवित प्रमाण गौरीशंकर राम

काठमाडौं, असार २२ । इँटाभट्टामा जिउँदै मान्छे जलाएको आरोपमा कांग्रेस नेता मोहम्मद आफ्ताब आलमले अदालतबाट सफाइ पाएपछि एकव्यक्तिले अन्याय भएको जनाएका छन् ।

भारतको बिहार सीतामढीका ४३ वर्षीय गौरीशंकर राम चमारले मोहम्मद आफ्ताब आलमले सफाइ पाउदा आफुहरुलाई अन्याय भएको गुनासो गर्नुभएको हो ।

आइतबार काठमाडौंमा आयोजित एक कार्यक्रममा गौरीशंकरले २०६४ चैत २७ गते आलमको इटाभट्टामा काम गरेको पैसा लिन जादाँ आलमको घरमा बम पड्एिको बताउनुभयो ।

उहाले उक्त घटनामा आफु गम्भीर घाइते भएको भन्दै आफ्नो घाउ खत देखाउनुभएको थियो । अदालतको फैसलाले आफुलाई अन्याय भएको उहाले बताउनुभयो । अफ्ताब आलमले नै बम विष्पोट गराएको भन्न नसकेपनि आमलकै घरमा बम बिष्फोट भएको उहाको भनाइ छ ।

इँटाभट्टामा जिउँदै मान्छे जलाएको घटनामा यथेष्ट प्रमाण नभेटिएको भन्दै उच्च अदालत वीरगन्ज इजलासले जब सफाइ दिएको छ । उच्च अदालतको फैसलामा बम पड्किएकै पुष्टि हुन नसकेका उल्लेख छ ।