काठमाडौँ । ट्राफिक प्रहरीले एक युवामाथि दुर्व्यवहार गरेको घटनामा संलग्न चार जवानलाई जिम्मेवारीबाट हटाएर छानबिन सुरु गरेको छ।
प्रहरीद्वारा जारी विज्ञप्तिमा मंसिर २३ गते सुन्धारास्थित आकाशे पुलमुनी भएको घटनाबारे प्रारम्भिक अनुसन्धान थालिएको उल्लेख छ।
सामाजिक सञ्जालमा भाइरल भएको भिडियोमा ट्राफिक प्रहरीले एक युवालाई बुटले हानी ढालिएको र कठालो समातेर लछारपछार गरिएको देखिन्छ, जसले प्रहरीमाथि तीव्र आलोचना निम्त्याएको छ।
प्रहरीले घटनाको निष्पक्ष छानबिन गरी आवश्यक कारबाही गरिने प्रतिबद्धता जनाएको छ।
