साताको पहिलो दिन सुनको मूल्य बढ्यो

२७ माघ, काठमाडौं । साताको पहिलो दिन आज सुनको मूल्य सामान्य वृद्धि भएको छ। साताको पहिलो दिन आज सुनको मूल्य प्रतितोला १०० रुपैयाँले बढेको हो।

नेपाल सुनचाँदी व्यवसायी महासंघका अनुसार आइतबार छापावाला सुन १ लाख ६८ हजार २०० रुपैयाँ कायम भएको छ। शुक्रबार १ लाख ६८ हजार १०० रुपैयाँमा कारोबार भएको थियो।

यस्तै, आइतबार चाँदी १ हजार ९६० रुपैयाँमा कारोबार भइरहेको छ। शुक्रबार १ हजार ९८५ रुपैयाँमा कारोबार भएको थियो।