काठमाडौँ । क्रान्तिकारी कम्युनिस्ट पार्टी निकट विद्यार्थी सङ्गठन अनेरास्ववियु(क्रान्तिकारी)का उपाध्यक्ष नेत्र शाही सहितका नेताहरू नेपाली कम्युनिस्ट पार्टी(नेकपा) प्रवेश गरेका छन् ।
प्रवेश गर्नेमा सचिवहरू नरबहादुर कुमाल, नवराज विक, कोषाध्यक्ष लक्ष्मण विक सहित २० जना रहेका छन् । विद्यार्थी नेताहरूलाई नेकपाका संयोजक पुष्पकमल दाहाल प्रचण्ड, सहसंयोजक माधव कुमार नेपाल, नेता अग्निप्रसाद सापकोटा लगायतले स्वागत गरेका थिए ।
यता अखिल क्रान्तिकारीका अध्यक्ष महेश श्रेष्ठले सङ्गठनको अनुशासनलाई उलङ्घन गर्दै सांगठानिक अराजकता, गुटबन्दी, अनियमितता गरी सङ्गठनको विधान विपरीतको कार्य गरेको भन्दै उनीहरूलाई कारबाही गरेका छन्।
श्रेष्ठले उपाध्यक्ष नेत्र बहादुर शाही (कालिकोट), सचिवहरू नमराज बिक (कालिकोट), नर बहादुर कुमाल (कालिकोट), कोषाध्यक्ष लक्ष्मण बिक (कालिकोट), केन्द्रीय सदस्यहरू लक्ष्मण बम (कालिकोट), निर्मला लुहार (कालिकोट), मोहन विर कुमाल (कालिकोट), देवेन्द्र शाही (कालिकोट) र प्रकाश वि.क. (अछाम) लाई सङ्गठनको साधारण सदस्य समेत नरहने गरी निष्कासन गरिएको जानकारी गराएको छ।
