काठमाडौँ । जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशभर कुनै उल्लेखनीय मौसमी प्रणालीको प्रभाव छैन।
महाशाखाले दिएको जानकारीअनुसार आज देशका अधिकांश भूभागमा मौसम सामान्यतया सफा रहनेछ भने पहाडी र हिमाली भूभागमा आंशिक बदली रहने सम्भावना छ।
दिउँसो कोशी, बागमती र गण्डकी प्रदेशका पहाडी तथा हिमाली क्षेत्रका एक–दुई स्थानमा हल्का वर्षा वा हिमपात हुन सक्ने विभागले जनाएको छ।
यस्तै, आज राति पनि कोशी, बागमती र गण्डकी प्रदेशका पहाडी भूभागमा आंशिक बदली रहनेछ भने बाँकी भूभागमा मौसम प्रायः सफा रहनेछ। गण्डकी प्रदेशका उच्च भूभागका केही स्थानमा हल्का वर्षा–हिमपातको सम्भावना रहेको पनि बुलेटिनमा उल्लेख गरिएको छ।
