काठमाडौं। सरकारी स्वामित्वको नेपाल वायुसेवा निगमले असार मसान्तसम्म ४३ करोड ९ लाख ५५ हजार २८१ रुपैयाँ किस्ता बुझाएको छ।
निगमले अन्तर्राष्ट्रिय उडान भर्न खरिद गरेका दुई न्यारोबडी र दुई वाइडबडी जहाजका लागि कर्मचारी सञ्चय कोष र नागरिक लगानी कोषबाट लिएको ऋण दायित्वमध्ये २०८१ असारसम्मको किस्ताबापत पुरा र वाइडबडी जहाजकोे आंशिक गरी रकम भुक्तानी गरेको हो।
हालको नेतृत्वले व्यवस्थापन सम्हालेपछि २०८१ असारसम्म ५ अर्ब ७९ करोड ७६ लाख ४२ हजार २४९ रुपैयाँ किस्ता रकम भुक्तानी भइसकेको निगमले जनाएको छ।
