इङ्ग्लिस प्रिमियर लिगमा म्यानचेस्टर सिटीले जित निकालेको छ ।
सिटीले घरेलु मैदानमा ब्राइटन होब अल्वियोनलाई ३–१ गोल अन्तरले हराएको हो । जितसँगै सिटीले शीर्षस्थानको आर्सनलसँगको अङ्क दुरी १ मा छोट्याएको छ ।
सिटीको ११ खेलबाट २६ अङ्क पुगेको छ । एक खेल कम खेलेको आर्सनलको २७ अङ्क छ । पराजित ब्राइटन १५ अङ्क जोडेर आठौं स्थानमा छ ।
प्रिमियर लिगकै अर्कोे खेलमा एभर्टनले क्रिस्टल प्यालेसलाई ३–० ले हराएको छ । जितसँगै एभर्टन १२ खेलबाट १३ अङ्क जोडेर ११ औं स्थानमा छ ।
पराजित क्रिस्टलको १३ अङ्क नै रहेपनि गोल अन्तर र हेड टु हेडमा एभर्टनसँग पछि छ । राति भएको चेल्सी र म्यानचेस्टर युनाइटेडबीचको खेल भने १–१ को बराबरीमा सकिएको छ ।
यो नतिजासँगै ११ खेलमा २१ अङ्क जोडेको चेल्सी चौथो रहँदा समान खेलबाट २० अङ्कका साथ युनाइटेड पाँचौं स्थानमा छ ।
