सर्लाहीमा बसले साइकल यात्रीलाई ठक्कर दियाे, बसमा आगजनी

सर्लाही, २८ फागुन ।  सर्लाहीमा बसले साइकल यात्रीलाई ठक्कर दिएपछि ठक्कर दिने बसलाई स्थानीयले जलाइदिएका छन् ।

नवलपुरबाट मलङ्गवातर्फ गुडिरहेको ग २ ख १४४० नम्बरको बसले कविलासी नगरपालिका–१० सलेमपुर घर भएका ५५ वर्षका सजुगल महतोलाई आज बिहान ठक्कर दिएको हो ।

बसको ठक्करबाट गम्भीर घाइते भएका सजुगललाई प्रादेशिक अस्पताल मलङ्गवामा सामान्य उपचार गरी थप उपचारका लागि काठमाण्डौ पठाएको जिल्ला प्रहरी कार्यालय सर्लाहीले जनाएको छ । आगजनीबाट बस पूर्णरूपले जलेको छ ।