काठमाडौं, २२ फागुन । राजनीतिक विश्लेषक दीपक कुइँकेलले काँग्रेस सँगको गठबन्धन तोडेर नयाँ गठबन्धन गर्नु प्रधानमन्त्रीको अस्थिर चरित्रका रुपामा लिन सकिने बताउनुभएको छ ।
प्रचण्डले एमाले सँगको पहिलेको गठबन्धनमा प्रधानमन्त्री नपाएको भन्दै काँग्रेससँग गठबन्धन गरेको बताउँदै विश्लेषक कुइँकेलले बिना कारण प्रधानमन्त्रीले काँग्रेससँग गठबन्धन तोड्नु अस्थिर चरित्र भएको बताउनुभएको हो ।
रेडियो काठमाण्डुको कार्यक्रम राईट कर्नरमा कुराकानीका क्रममा उहाँले एमाले अध्यक्ष केपी ओलीले संविधान माथि कुठाराघात गरेपछि काँग्रेस,माओवादी लगायतका दलहरू मिलेर सरकार बनेको स्मरण गराउनुभयो ।
उहाँले राष्ट्रिय स्वतन्त्र पाटिलाई लक्षित गरी वैकल्पिक शक्ति बताउँदै जनताका माझ जाने दलहरू नयाँ गठबन्धनमा सामेल भएर कम्युनिस्टहरू बनाउन सहयोग गरिरहेको टिप्पणी गर्नुभयो ।
