काठमाडौं। सिटिजन्स बैंक इन्टरनेसनलले ‘सपनाको घरलाई दिनुहोस् आकार, सिटिजन्स घर कर्जाले पार्नेछ सपना साकार’ नारासहित ९.९९ प्रतिशतमा ७ वर्षसम्म स्थिर रहने घर कर्जा योजना सार्वजनिक गरेको छ।
७ वर्षपछि बैंकको प्रचलित औसत मासिक आधार दरभन्दा १ प्रतिशत बढीको प्रिमियम दर लागू हुने बैंकले बताएको छ।
घर कर्जाअन्तर्गतका अन्य सुविधामा निःशुल्क क्रेडिट कार्ड, डेबिट कार्ड र पहिलो वर्षका लागि लकर सुविधा शुल्कमा ५० प्रतिशत सर्तसहितको छुट रहेको बैंकले जनाएको छ। कर्जा रकमको ०.५० प्रतिशत व्यवस्थापन शुल्क लाग्ने बैंकले बताएको छ।
