एसियन फुटबल कन्फेडेरेसन (एएफसी) ले अखिल नेपाल फुटबल संघ (एन्फा) लाई सात हजार अमेरिकी डलर जरिवाना गरेको छ ।
कुवेतमा भएको एएफसी एसियन कप छनोटका क्रममा प्रतियोगिताको आचारसंहिता उलंघन गरेको भन्दै सो जरिवाना गरिएको एएफसीको अनुशासन तथा इथिक कमिटिले जनाएको छ ।
प्रतियोगीताअन्तर्गत जुन १४ मा भएको इन्डोनेसियाविरुद्धको खेलमा मुख्य प्रशिक्षक अब्दुल्लाह अलमुताइरी खेल अघि ड्रेसिङ रुपमा प्रवेश गरेको र खेलपछि एक्रिडिटेशन कार्ड लिएर मैदान प्रवेश गरेको एएफसीले बताएको छ ।
त्यस्तै इन्डोनेसियाविरुद्धको खेलको पहिलो हाफ सुरु हुन ढिलाइ गर्दा एन्फालाई थप १ हजार अमेरिकी डलर जरिवाना गरिएको एएफसीले जनाएको छ ।
जरिवानाको २५ प्रतिशत रकम ९० दिनभित्र तिर्नुपर्ने र बाँकी रकम दुई वर्षभित्र तिर्न सकिने एएफसीले जनाएको छ ।
