प्रथम पत्र प्राप्त गरेको अङ्कको ५० प्रतिशत अङ्कभार मात्रै अर्को चरणमा जोड्ने लोक सेवा आयोगको निर्णय

लोक सेवा आयोगले लिने प्रथम चरणको परीक्षामा प्राप्त गरेको अङ्कको ५० प्रतिशत मात्रै अन्तिम चरणमा जोडिने भएको छ ।

लोक सेवा आयोगले आर्थिक वर्ष २०७९÷०८० देखि लागु हुने विज्ञापनमा लिखित परीक्षाको प्रथम चरण (प्रथम पत्र) मा उम्मेदवारले प्राप्त गरेको कुल अङ्कको ५० प्रतिशत अङ्कभार मात्रै अर्को चरणमा जोड्ने निर्णय गरेको हो । २०७९ भदौ १३ मा बसेको आयोगको बैठकले उक्त निर्णय गरेको हो ।

शाखा अधिकृत, नायब सुब्बा र खरिदार वा सो सरहका पदको खुल्ला प्रतियोगितात्मक लिखित परीक्षाको प्रथम चरण प्राप्त गरेको नम्बरको ५० प्रतिशत अन्तिम चरणको योग्यताक्रममा गणना गरिने आयोगको प्रवक्ता तोयनारायण सुवेदीले जानकारी दिनुभयो ।

सहसचिव वा सो सरह पदको द्वितीय चरणको सक्षमता परीक्षा अन्तर्गत मामिला प्रस्तुतीकरणको पूर्णाङ्क ५० को ठाउँमा ३० अङ्क कायम गरिएको प्रवक्ता सुवेदीले बताउनुभयो ।