प्रधानमन्त्री शेर बहादुर देउवाले निष्पक्ष र भयरहित वातावरणमा आगामी निर्वाचन गराउन सरकारले आवश्यक व्यवस्था मिलाईसकेको बताउनुभएको छ ।
प्रजातान्त्रीक चिकित्सक संघले शनिबार काठमाडौंमा आयोजना गरेको सम्मान तथा शुभकामना आदान प्रदान कार्यक्रममा प्रधानमन्त्री देउवाले स्थानीय तहको निर्वाचन सफलताका साथ सम्पन्न भइसंगै आगामी निर्वाचनलाई पनि निष्पक्ष र भयरहित वातावरणमा आगामी निर्वाचन गराउन कांग्रेस नेतृत्वको सरकारले आवश्यक व्यवस्था मिलाईसकेको बताउनुभएको हो । कांग्रेस सभापति समेत रहनुभएका प्रधानमन्त्री देउवाले कांग्रेसलाई अत्याधिक मतले जित दिलाउने गरि तयारी गर्न पनि आग्रह गर्नुभयो ।
त्यस्तै उहाले सर्वसुलभ ढंगले स्वास्थ्य सेवा उपलव्ध गराउन सरकार प्रतिवद्ध रहेको जिकिर गर्नुभयो । आवश्यक बजेट छुट्टाएर स्वास्थ्य क्षेत्रको भौतिक संरचनाको निर्माण र स्वास्थ्य जनशक्तिको बिकासका लािग बिभिन्न कार्यक्रहरु आयोजना गरिएको उहाले बताउनुभयो । कोरोना लगाएतका महामारीमा आफ्नो ज्यानको प्रवाह नगरि सेवा प्रदान गर्ने स्वास्थ्यकर्मीको मुलुकको बिकासका लागि ठूलो योगदान हुने उहाको विश्वास छ । उहाले स्वास्थ्य सेवा महङ्गो हुँदा जनताले समयमा नै उपचार नपाई कष्कटर जिवन बिताउनुपर्ने भएकाले स्वास्थ्य सेवालाई सस्तो र सुलभ बनाउन जरुरी रहेको बताउनुभयो ।
कार्यक्रममा कांग्रेस नेता शेखर कोईरालाले मुलुकको बिकासका लागि शिक्षा र स्वास्थ्य क्षेत्रमा प्रयाप्त बजेट छुट्टाउनुपर्ने बताउनुभयो । नेता कोइरालाले कुनै पनि देशलाई समृद्ध बनाउनका लागि स्वास्थ्य र शिक्षामा बजेट पर्याप्त मात्रामा उपलब्ध गराउनुपर्ने बताउनुभयो ।
त्यस्तै कांग्रेस उपसभापति धनराज गुरुङले समृद्ध नेपालको नेतृत्वका लागि आगामी निर्वाचनमा पार्टीलाई पहिलो बनाउनुपर्ने धारणा राख्नुभयो । उहाले आगामी निर्वाचनमा समानुपातिक तर्फ चिकित्सकहरुलाई पनि स्थान दिनुपर्ने मागलाई पार्टीले सकारात्मक रुपमा लिएको बताउनुभयो ।
नेपाल चिकित्सक सङ्घका पदाधिकारीहरुले नेपालका हरेक आन्दोलनमा नेपालका चिकित्सकले खेलेको भूमिका महत्वपूर्ण रहेको उल्लेख गर्दै चिकित्सकलाई संसद् र पार्टीका विभिन्न तहमा ठाउँ दिन आग्रह गरेका थिए ।
